ليه نفسى حزينة كدة يا يسوع ؟؟
مش قادر استحمل ودايما عينيا بتجيب دموع
عارف يا حبيبى ان عينك عليا ومش متساب
لكن ليه يا ترى انا حاسس بالالم والعذاب
زى طفل بين وحوش حاسس انى عايش
...ليه القلوب بقت بالقسوة دى ياربى ؟؟
ليه بيحصلى كل دة يا مالى قلبى ؟؟
مش فاهم ولا عارف ولا عاوز افكر
لكنى عينى عليك وعلى الارض واقع
مد ايدك ارفعنى وعلى حجرك تقعدنى
طبطب عليا .. احضنى سمعنى صوتك .. فهمنى
نبض قلبك وانا فى حضنك يملا قلبى ويرفعنى
واثق انى فى عينيك متشال .. حسسنى اكتر .. طمنى
بحبك ياربى .. ورجايا فيك انت عزايا الوحيد وهتفضل دايما عينى عليك